Vel heppnað CAPA-námskeið haldið í Hafnarfirði og á Akureyri

Í febrúar síðastliðnum hélt Tengslamat ehf. vel heppnað námskeið um The Child Attachment and Play Assessment (CAPA), bæði í Hafnarfirði og á Akureyri. Námskeiðið var einnig aðgengilegt í fjarkennslu og vakti mikla ánægju meðal þátttakenda.

Stund á milli stríða - hádegismatur með þáttakendum á Sydhavn í Hafnarfirði

CAPA er sérhæft matstæki sem veitir mikilvægar upplýsingar um tengsl barna á aldrinum 3–11 ára og hjálpar fagfólki að greina margþætt áföll í lífi þeirra. Slík þekking er lykilatriði í vinnu með börnum og fjölskyldum þar sem markmiðið er að efla öryggi og velferð barna.

Á námskeiðinu var lögð áhersla á að dýpka skilning þátttakenda á tengslahegðun barna, birtingarmyndum hennar og hvernig unnt er að greina hættu í tengslasamböndum. Jafnframt var fjallað um mikilvægi þess að lesa í svipbrigði, líkamlegt atferli og tjáningu barna til að styðja við faglegt mat og viðeigandi inngrip.

Leiðbeinandi námskeiðsins var Fan Zhang, barna- og fjölskyldusálfræðingur, sem hefur víðtæka reynslu af kennslu og klínísku starfi á sviði tengsla og þroska barna.

Þátttakendur komu úr fjölbreyttum hópi fagfólks sem starfar með börnum og fjölskyldum og var almenn ánægja með bæði innihald námskeiðsins og framsetningu þess. Sérstaklega var nefnt að námskeiðið hefði styrkt faglega færni þátttakenda til að greina og skilja tengslahegðun og þannig stuðla að markvissari vinnu í þágu barna.

Tengslamat ehf. hefur um árabil sérhæft sig í ráðgjöf, tengslamati og fræðslu fyrir fagfólk sem starfar með börnum, með það að markmiði að efla þekkingu og bæta þjónustu við börn og fjölskyldur.